Седната со погледот кон далечината, бесконечноста......Сивоцрна темнина пред мене!...одеднаш еден зрак пратен од Бога , преубав , многу мил и сладок.Со убава златеста боја го осветли мојот залутан поглед.Ме галеше толку нежно што посакав да трае вечно!... беше многу мал , тенок ...иако го тргав за да можам да ги отворам Очите ,зракот беше упорен ,продолжуваше да ме милува. Ме разнежни , па го оставив да ја преплетува мојата коса и од неа да прави срмени колани.Траеше и траеше....додека од далечината не се слушна глас кој го довикуваше Зракот!...му велеше дека е доста , дека треба да зиминe на помош на друг залутан поглед.Тогаш почна да ме притиска нешто во градите...тоа беше стравот кој го имав долго време во моето Срце. Премногу те сакав за да те задржам само за мене, морав да си ја проколнувам душата и да и наредам дека мора да дозволи да одиш,....да ме напуштиш и ти како и зракот, да бидеш и ти дел од соѕвездието !Сакај ме , но оддалеку...милувај ме но со мислите, бакнувај ме но во сните....Дај ја твојата Љубов на оние на кој им е најпотребна!!! А јас ?...јас ќе продолжам онаму каде што застанав, онаму каде што воопшто и не почнав, а многу те сакав, те милував со мислите и те љубев во секој мој сон!Ќе сонувам уште многу време зашто сонот ми беше дозволен, зашто само таму можам да те имам без никаква спротивставеност.Без никој да ме сопре да се радувам на твојот поглед вперен кон моите очи и моето тело....само таму можев да те имам целосно без да те делам на неколку парчиња! А сега оди, замини, дај им го тоа што можеше да биде мое, зашто не сакам да го одземам тоа што беше нивно! Кога ќе ме прашаат каде си ?...ќе им кажам дека ме чекаш на мојата перница и дека секој мој сон е твое дело, дека сеуште ме сакаш како и првиот ден .Дека секоја ноќ ја поминуваме заедно, ......Ќе ти дозволам да бидеш мојот сон , не грижи се Јас и Ти ќе продолжиме да се гледаме , но во Соништата, каде што се е дозволено и се е мое и само мое...Замини !!!Еве доаѓа новиот Зрак кој ќе плети нови срмени колани .....а јас ќе треба да се разбудам и да знам дека ти беше мојот Сон !